العودة   نادي الاهلي السعودي - شبكة الراقي الأهلاوية - جماهير النادي الاهلي السعودي > المنتديات الأدبية - المنتديات الثقافية > خواطر - نثر - عذب الكلام
 

الملاحظات

خواطر - نثر - عذب الكلام كل منا يحمل في قلبه مشاعر فلنحتضن أقلامنا ونسطر الكلمات - خواطر نثريه - خواطر رومانسية - خواطر حزينة - خواطر قصيرة - خواطر شعريه - خاطره - خواطر ادبيه - خواطر حب - خواطر غزل - خواطر عتاب - خواطر شوق - خواطر فراق


قصة جمييييييييييييييييييييييييييييييييييييلة جدا

خواطر - نثر - عذب الكلام


إضافة رد
 
أدوات الموضوع
  #1  
قديم 08-16-07, 02:12 PM
الصورة الرمزية آل مبيت الشهري
آل مبيت الشهري آل مبيت الشهري غير متواجد حالياً
راقي متفاعل
 
تاريخ التسجيل: May 2007
المشاركات: 53
قوة السمعة: 1
آل مبيت الشهري will become famous soon enoughآل مبيت الشهري will become famous soon enough
قصة جمييييييييييييييييييييييييييييييييييييلة جدا

الحلقه الاولى


صحراء….بيوت شعر…… 270 راس من الغنم……34 راس من الابل ….(الله يعزكم) كلبين لزوم الحراسه…..وايت ما قديم لزوم تموين الجماعه بالمويه……الموقع في الربع الخالي …..مجموعة عوايل بدويه جدا، تنتمي الى قبيله عريقه من قبايل الجزيره ساكنين في ها الجزء الصغير جدا من فضاء الربع الخالي مثل ما ذكرت. في لهجتنا البدويه البحته نسمي مجموعة الناس اللي تعرف بعض وساكنين في نفس المكان في البر نسميهم (جماعه). ولدت في البدو وعشت وربيت……الغريب جدا ان ابوي الدكتاتوري القوي جدا وافق اني ادرس رغم اني اصغر اخواني الاربعه اللي يعتبر اكثر واحد مثقف فيهم خريج صف ثالث ابتدائي مكافحه. انا درست وما راح اقول لكم المآسي والبلاوي اللي كنا نواجهها بس على شان نروح او نجي للمدرسه ، ما بالكم بغيرها . على العموم خلصت الثانوي-علمي، واللي حولي كلهم كانوا يقولون اني عبقري وفعلا خلصت الثانوي بتقدير امتياز وكانت النسبه 97 في الميه. طبعا النتايج اخذناها من المدرسه بعد كل الناس ما خذوها اللي بالتلفون واللي بالجرايد وغيرها. النتايج كانت تظهر في الجرايد واكثر الناس تقريبا تعرفها منها ، بالنسبه لنا ما نعرف شي اسمه جرايد ولا نعترف بها ....طبعا ممكن تقيسون على هذا باقي وسايل الاعلام مثل التلفزيون اللي كان جدتي الله يرحمها اذا جابوا طاريه الناس اللي يجون من المدينه كانت تسميه (النصراني).....الراديو او الرادي مثل ما نسميه كان هو الوحيد الموجود......رادي روسي قدييييييم مره وكان موجود بس عند واحد من الجماعه يشغله للصبح على شان يسمع الناس القرآن. واحد من اعمامي كان هو الوحيد اللي موظف في المدينه وكان يروح لشغله(كان يشتغل خوي فى الاماره) اسبوع ويجينا سبوعين وكان عنده سياره حوض وكل اسبوع اذا كان موجود ياخذ الشيبان ويروحون يصلون الجمعه وكان يمر على الاماره ويشيل كل الجرايد اللي هناك لأن اكثر الناس ما تاخذها ويجيبها ...طبعا ماهو بثقافه والا زود علم لانه مايعرف يقرا اصلا بس كان جزء منها نفرشه سفره والجزء الباقي تاكله الغنم (تصدقون.....يعني غنمنا مثقفه اكثر منا)....نتيجة الثانوي كانت في بعض ها الجرايد ومع ذلك ما درينا عنها. ذاك اليوم يوم اني اخذت النتيجه وجيت اول واحد قابلته ابوي قلت له(يبه يبه ابشرك نجحت بممتاز) عارفين وش قال لي ....قال : بركه افتكينا من هالدراسه ....يالله يالله خلنا نروح نجيب (الفاجر) من عند فلان. انتهى كلام ابوي.....طبعا الفاجر هو اسم بعير كان الوالد يعزه كثير وبدون مبالغه كان يعزه ويعز بعض الحلال اكثر منا حنا يا عياله. على العموم قلت له ابشر بس خلني اسلم على امي ودخلت وسلمت عليها وعلى خواتي وبشرتهم ......قالت امي بسوي لك براد شاهي (جايزة النجاح)....الشاهي في ذاك الوقت كنا نعتبره شراب الارستقراطيين لان وجوده كان نادر جدا وكانت القهوه العربيه هي المشروب الرسمي....الاكل طبعا كان بسيط ثلاثه او اربعه اشياء رئيسيه تدخل في عمل عدة اصناف ...الاشياء الاساسيه هي :البر...اللبن...اللحم...
التمر(الرز ما كان موجود بتاتا مو لان حنا ما نعرفه بس كنا ما نحبه) . على العموم رحت مع الوالد ورجعت بسرعه وطول الطريق رايح جاي وانا تفكيري في الشاهي.....(لاحظوا
>واحد مخلص ثانوي علمي وجايب ممتاز ويفكر بس في الشاهي.....‍‍‍‍‍‍‍؟؟؟) .....رجعت حصلت الوالده والبنات جهزوا الشاهي وسووا خبز البر على الصاج.....وقمنا نشرب من ها الشاهي ونغمز من ها الخبز ما راح اقول لين شبعنا بقول لين خلصناه......طبعا شاهي الباديه دايم يسوونه على النار ويزودون السكر لان الاكلات الحاليه عندهم قليل جدا....وطبعا شاهي امي كان (عسل مره) من كثر السكر......وذاك اليوم طبعا قضيت اكثر
الوقت خارج البيت ماهو لاني ابغا اتمشى ولا فرحان بعد الامتحانات لا والله من المغص
اللي ذبحني بعد الشاهي.......................


الى اللقاء في الحلقة القادمة,,,,,,,,







الحلقة الثانيه


بدت اجازة الصيف وما تتخيلون والله العظيم كل الهم كان بامور الحلال والرعي والبحث عن اماكن جديده فيها مراعي وتزين للسكن……قبل نهاية الاجازه بحوالي شهر ونص كان فيه عزيمه في بيت عمي (المناسبه كانت ختان) البدو عادة يحتفلون بختان الذكور……وفي ها المناسبه جاونا ناس من جماعتنا الحضر وكان معهم مجموعه من عيالهم اللي هم اصلا كانوا زملائي في المدرسه. ذاك الليل كان ها الشباب ما لهم كلام الا التسجيل بعد الثانوي ……(وين سجلت …؟…وين بتروح…..؟؟….وش ناوي عليه…؟؟…) يعني من ها القبيل …وطبعا اخوكم اللي هو انا نايم في العسل ومشغول بحلال ابوه …..ومعني نفسي ذاك الليل بصب القهوه للضيوف. راحوا الدفعه الاولى يتعشون اللي هم الشيبان ومتوسطين السن…وبقي الشباب…..طبعا ما هو احترام او تقليد لكن الحضور اكثر بكثير من العشا..!!!. كانت فرصه اني اسولف انا والشباب اللي كانوا زملاي في المدرسه….وقاموا يشجعوني ويقولون معدلك عالي وكل الجامعات والكليات بتقبلك …..وحرام تضيع ها الفرصه…..وقالوا بعد… ان التسجيل بدا وانهم راح يمشون بعد اسبوع مع بعض يسجلون اللي في الرياض واللي في جده واللي في الشرقيه. والله انا بديت افكر…..يعني لازم اكمل دراستي وايش يعني لو كملت؟؟؟….طيب وحلالنا وعيشتنا….ابوي اخواني…امي…..اهلي …جماعتي…….وهذا كله كوم ومفاتحة الوالد في الموضوع كوم………هذي والله البلشه. فكرت في الموضوع وقلت ليش لا خلني اجرب يمكن يكون في مواصلة الدراسه خيره،
وبعدين لو فشلت او ما عجبني الوضع برجع وما وراي احد بيقول لي شي بالعكس الوالد ابرك ما عنده اذا رجعت…هذي خلصنا منها..زين الحين الوالد وشلون نوصله وهو اللي يا الله خلاني ادرس جنبه في نفس المدينه ما بالكم اذا قلت مدينه ثانيه….فكرت وشفت ان احسن شي اني اوصله عن طريق شخص غيري. رحت لعمي الموظف راعي الجرايد اللي قلت لكم عنه وقلت له الموضوع وكان اصغر من ابوي بس العلاقه بينهم قويه وقلت له على الموضوع….طبعا في البدايه حاول يقنعني ان الدراسه ما فيها خير واحسن لك تجلس عند ابوك وتنفعه وتنفع حلاله ….وتعرس وترتاح……واذكر انه قال لي بالحرف الواحد….(ياولدي وش تبي من الدراسه تراها ما نفعت اللي ضيعوا حياتهم في الطراد وراها…..وبعدين انت معك منها خير وش عاد تبي….) كلام منطقي صح..؟؟؟؟؟؟!!!!!!!….ضغطت عليه وقلت له الوالد عنده خواني وفيهم خير وانا بس بطلع اجرب اذا ما ارتحت برجع، والوالد بعد قوي ويقدر على تصريف حياته بنفسه…..المهم قال لي….(خلاص بنشوف)….انا طبعا طلعت في راسي وقلت له التسجيل بيبدا ولازم امشي الاسبوع الجاي واللي يجي متأخر ما يسجلونه وبعدين ابا اطلع مع العيال (زملاي). قلت له الليله بعد صلاة المغرب …وبصراحه وافق بس ببروود ومن غير اقتناع. صلينا المغرب وكان اصعب مغرب في حياتي لدرجة اني الى الحين ما ادري صليته ركعتين ولا ثلاث……الخوف ما هو من ان الوالد ما يوافق..الخوف من انه يتوطا بطني …وانتوا ما تعرفون ابوي فنان مرره في ها الحركات. بعد الصلاه جبت القهوه وصبيتها والعم كان ناسي بس يوم شافني اصب القهوه تذكر واخذ الوالد على جنب وقال له الموضوع وما ادري العم كان معي ولا علي. نادوني معهم وهنيا بدت العظام ترقل ، قال ابوي وش ها الكلام وش تبي بالدراسه …وحلالنا ….(لاحظوا الحلال دايم يجي في المرتبه الاولى …يعني اتوقع لو خروف من الحلال بيطلب من ابوي يسفره لامريكا يدرس بيسويها لانه يعزه مره…؟؟؟!!) ….ما دريت وش اقول …استجمعت كل القوى اللي عندي وقلت كل اعيال الجماعه بيروحون يدرسون برا (مدن ثانيه)….(وعلى فكره البدو احيانا يسفهون الحضر وما يبونهم يتقدمون عليهم) قال لي من العيال؟ قلت عيال جماعتنا اللي بالمدينه ….قال لي طيب كم بتجلس ووين بتروح…؟.قلت مادري تعتمد على المكان اللي بسجل فيه. يوم شاف اني مصمم …اسمعوا وش قال ….! قال (طيب ليش ما ترجع لمدرستك لوله وتكمل فيها…..)…..لاتعليق….!
بعد محاولات وضغط من طرف اخواني …امي اللي ما كانت اصلا مستوعبه الفكره ولا مصدقتها بس كانت معي…..ابشركم وافق…… .. وفي المره الجايه بكمل لكم مواقف الطياره …..والبحث عن المستقبل



.........الى اللقاء ......{
__________________
إذا طال الزمان ولم تروني
فهذا خط يدي فتذكروني

alshehri_1405@hotmail.com
رد مع اقتباس

  #2  
قديم 08-16-07, 03:28 PM
الصورة الرمزية hamed2008
hamed2008 hamed2008 غير متواجد حالياً
راقي سوبر
 
تاريخ التسجيل: Jul 2007
الدولة: بلد فية حبي الاهلي
المشاركات: 1,997
قوة السمعة: 1
hamed2008 will become famous soon enoughhamed2008 will become famous soon enough
تسلم واللة على حلقتينا جميلة لكنا هذئي الدنيا فيها شيء صعب وفيها شيء سهل
لكنا احلى شيء دائما البساطة في الحياة وحتى لو كانت غير الناس
احب حياة البدو على قسوة المعيشة فيها وعلى صعوبة اهلها
لكنا عندي افظلل حياة
لا فيها كذب ولا مجملة ولاخداع
تسلم والله وماقصرت اخوي ال مبيت
رد مع اقتباس

  #3  
قديم 08-17-07, 01:51 PM
الصورة الرمزية زهرة الاهلي
زهرة الاهلي زهرة الاهلي غير متواجد حالياً
][ ملكة الخاطره ][
 
تاريخ التسجيل: Sep 2005
الدولة: "" في عالمي ""
العمر: 26
المشاركات: 7,156
قوة السمعة: 1
زهرة الاهلي will become famous soon enoughزهرة الاهلي will become famous soon enough
يسملو اخي..

ويعطيك ربي العافيه ..

لاتحرمنا ..

ننتظر جديدك
__________________
سبحان الله وبحمده
سبحان الله العظيم "
رد مع اقتباس

  #4  
قديم 08-17-07, 03:07 PM
الصورة الرمزية البـرق الاهلاوي
البـرق الاهلاوي البـرق الاهلاوي غير متواجد حالياً
راقي سوبر
 
تاريخ التسجيل: Aug 2006
المشاركات: 1,749
قوة السمعة: 1
البـرق الاهلاوي will become famous soon enoughالبـرق الاهلاوي will become famous soon enough
شــكراً لك

ياأخي

مـاقدمــت لنا

ولا

تحـرمنا

جـديـدك
__________________

رد مع اقتباس

  #5  
قديم 08-17-07, 06:12 PM
الصورة الرمزية ياسر عسيري
ياسر عسيري ياسر عسيري غير متواجد حالياً
راقي سوبر
 
تاريخ التسجيل: Apr 2006
المشاركات: 1,805
قوة السمعة: 1
ياسر عسيري will become famous soon enoughياسر عسيري will become famous soon enough
شكراً لك اخي الكريم
__________________
.. أحرقي ماشئتي من جسدي فدموعي تطفيه ..
.. لاكن اياكِ ان تحرقي قلبي فأنتي فيه ..


.. الاهلي+برشلونة ..
** عشقي الابدي **
رد مع اقتباس

  #6  
قديم 08-19-07, 11:03 AM
الصورة الرمزية المتيقن
المتيقن المتيقن غير متواجد حالياً
ابو بندر
 
تاريخ التسجيل: Apr 2006
المشاركات: 3,528
قوة السمعة: 1
المتيقن will become famous soon enoughالمتيقن will become famous soon enough
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
اخي الغالي ..آل مبيت الشهري حفظك الله ورعاك اينما حللت ورحلت
الله الله على هالبساطة ..الفطرية .. بكل امانة ..من صدق التعبير ..
عشت معك احداث قصتك ...التي ..سردتها لنا بكل صدق وعفوية
دون .التنكر لشيء او الخجل من شيء ..وهذا مما كبرك في عيوننا وانت ..الكبير قبل ذلك ..
وفقك الله اينما اتجهت ياأخي وسدد خطاك لما فيه خير دينك ودنياك اللهم آآمين .
انت فعلاً مثلت دور البدوي الأصيل . النقي ..
استحفظتك الله الله وهو خير حفيظ ..وتقبل اسمى تحياتي وتقديري.
__________________


حفظك الله بحفظه من كل ســـــــــوء
وصرف عنك أصدقـــــاءالســـــــــوء
ويســـــــــر لك ماأستصعب من أمرك
وســـــــــــدد على طريق الخــــــــير
خطــــــــــاك يامن شرفــــــــــتني
بمرورك
رد مع اقتباس

  #7  
قديم 08-20-07, 01:01 PM
الصورة الرمزية @الجنرال@
@الجنرال@ @الجنرال@ غير متواجد حالياً
شخصية هامة
 
تاريخ التسجيل: Aug 2004
المشاركات: 20,553
قوة السمعة: 1
@الجنرال@ is a jewel in the rough@الجنرال@ is a jewel in the rough@الجنرال@ is a jewel in the rough@الجنرال@ is a jewel in the rough
شكرآ ال مبيت

لا تحرمنا جديدك

الجنرااال
رد مع اقتباس

إضافة رد

 
مواقع النشر (المفضلة)
 

 

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



Powered by vBulletin Version 3.8.7
Copyright ©2000 - 2017, Jelsoft Enterprises Ltd
Translation by relax4h.com
جميع المواضيع المطروحة و المشاركات لا تمثل رأي إدارة المنتدى ، بل تعبر عن رأي كاتبيها
  جميع الحقوق محفوظة لشبكة الراقي الأهلاويه  

RSS RSS 2.0 XML MAP html  PHP  info gz  urllist ror sitemap  sitemap2  tags htmlMAP