العودة   نادي الاهلي السعودي - شبكة الراقي الأهلاوية - جماهير النادي الاهلي السعودي > المنتديات العامة > مواضيع عامة - حوارات هادفه - نقاشات جادة - قضايا هامة
 

الملاحظات

مواضيع عامة - حوارات هادفه - نقاشات جادة - قضايا هامة النقاش العام - الحوار الجاد , مواضيع عامه , نقاشات ساخنه , حرية الرأي و الرأي الآخر ( اختلاف الأراء لا يفسد للود قضيه )


اشهر الكلمات السعودية

مواضيع عامة - حوارات هادفه - نقاشات جادة - قضايا هامة


إضافة رد
 
أدوات الموضوع
  #1  
قديم 08-31-07, 09:21 PM
الخديدي ابودحمي الخديدي ابودحمي متواجد حالياً
راقي برونزي
 
تاريخ التسجيل: Aug 2007
المشاركات: 3,675
قوة السمعة: 1
الخديدي ابودحمي will become famous soon enoughالخديدي ابودحمي will become famous soon enough
Exclamation اشهر الكلمات السعودية

الصتيمة :

وهو الشخص اللي ماعنده ماعند جدة جدتي ...!!...

ويصدق أي شيء يقال له <<<< مسكينه دائمااا تكون منهم


المسبة أو المسبوة :

هو الشخص اللي يكون مروع في صغره لدرجة أنه يصبح شبه فاقد للعقل ... يعني مجنون


الفاهي :

هذا الله يخلف مهما تقول له أو تصارخ عليه تلقاه فاتح فمه و بس

و إذا كلف عمره و تفاعل معك رد عليك و قالك : هه ...


الحقنة :

هو الشخص الغثيث اللي ما يفكك لين تعطيه اللي يبيه منك

و مهما تسوي له عشان تصرفه عن الموضوع حقه ينشب في حلقك

لين يأخذ منك اللي يبيه , وهذا يفسر قول العرب : أغث من حقنة !!....


العلة :

هذا اللي ما تأخذ أنت منه أي شيء و لا عنده استعداد

انه يسمع منك مهما حاولت وهو كالمرض يعلك لين تنفقع مرارتك منه......


العربجي :

يظن معظم الناس أن العربجي هو الشخص الشديد

حق المشاكل

( أسم لطريقة لبس الشماغ عند العرابجة )


و حاط مفاتيحه في سلسلة و لا بس نعال سجاديه و يسحبها تسحيب

لين جاء يمشي و دايم فاتح صدره و راسه على فوق

و كانك ولد أبوك قله شيء بس .




الكحلي :

يطلق مسمى الكحلي على ذوي البشرة السمراء

و لأن ذوي البشرة البيضاء مساكين ما عندهم لقب احتجوا

عند الأمم المتحدة مطالبين باللون الفضي ....


المرجوج :

هذا ما عمره صلح شيء صح في حياته ما يمديك تفتح فمك

إلا و طار في العجة بدون ما يفهم وش السالفة

و الارتجاج الحاصل له يختلف تماما عن مشكلة المسبة أو المسبوة

حيث يكون الارتجاج هنا نتيجة صدمة و ليس نتيجة روعة .


المطفوق :

من فصيلة المرجوج ...

إلا أن مايميزه هو انه اذا مر من عند كاس أو جيك أو ابريق أو أي شيء

فيه سائل لازم يكبه ( أي يسكبه ) برجله وهو مايدري ،،

ولا تخليه يمر بجنبك وانت معك صينية فيها بيالات لأنه لازم يطقها بيده أو بكتفه ..!!

أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....


السربوت :

هذا اللي ما يخلي مكان ما يروح له

و قد كان الأولين يطلقون لقب السربوت على من يشرب الدخان

لكن الحين الله يخلف الناس تدخن بيديها و رجليها و لحد يقول لهم شيء.


السمرمدي :

وهو من نفس فصيلة السربوت.


الداشر :

هذا قليل الأدب و لا يحب يماشي إلا السرابيت

و إذا قيل فلان دشر فلان أي خرب أخلاقه لكن في الأردن

الشقيق كلمه دشره تعني أتركه..


الملكع :

أما هذا فيعرف حتى السكني (اي الجن )

و مقطع السمكة و ذيلها و مهما تحاول تلف و تدور معه تراه

فاهم و عارف وش تبي بالضبط فلا تتعب نفسك .


زعّيط :

مسوي نفسه يفهم في كل شيء وهو من جنب العارضة. <<< منهم الاخت


المصرقع :

هو كل شخص ما يهمه شيء و اللي يطري على باله بيسويه

لأنه ماخذ الدعوة سعة صدر و هبال ... <<<< منهم الاخت


المفلت :

هو كل شخص ما تقدر أنك تأمنه على شيء

لأنه مهوب تكانة و يتميز بكل أنواع الإهمال و التطنيش....


الخكري :

ببساطة الخكري = نعومة + دلع الله لايبلانا...



اللزقه:

هذا الشخص اللي على طول معك وقدامك ووراك وكل شي

وتطلع مع الباب تلقاه تركب في السياره تلقاه يطق القزازه وهاكذا.



الزنقّبي :

(بتسكين النون وضم القاف ) يعني العزوبي.



الصديع :

اي كلمه في راسه يطلعها ولا يتنباء بأفعاله سواء كانت صح ام خطء .


الجنط :

من فصيلت الدلخ.



المريوح:

هذا اللي نفسه شينه .



الزااااااحف..إنسان آخذها عرض مبسوط ويبسط من حوله سريع البديهه ولايفوته شئ..

والخرس..من نوع الكمخه والفاهي يقول إيه وهو مايدري وش السالفه..

الطبله..باااااااااارد من كثرة الغباء..

الأرفل..من نوع المطفوق يعني لاتقرب له ولاتخليه يقرب لشئ وخصوصا الاعمال الدقيقه لأنه ماينفع فيها..

المسلس..هذا المسكت واللي ماتدري وش وراه تشوفه تقول أتلى الأجاويد وهو وراه بلاوي..

الرجه..مصرقع مايجي بمكان الا ويرجه بصوته على غير سنع..

المسكت..هذا اللي مابعده مسكت بتشديد الكاف..

المهفه..هذا كلمه توديه وكلمه تجيبه..

اللوح..يعاند على غير سنع..

الكرتون..تحسه غبي على السليقه لاتكلمت معه تقول من وين جاي هذا..

الشراره..هذا مايجي بمكان الا والمصايب وراه يتسبب على من حوله بالقرادات..

المقرود..كل شئ متسلط ضده يعني مقرود حظ

الأصلي..هذا من نوع المسكت..

الصل..هذا صاحب اللون الأسود بس مو اي اسود ..اسود أسود صح..

المنتهي..مابعد النهايه شئ بايع كل شئ لو تقوله أي شئ ماقال لا..

القاضي..حول المنتهي ماهو بعيد عنه يعني تقول من عيال عمه..

الخالص..حول الدعوى ولد خالهم..

المولي..هذا يقرب لهم بس من بعيد شوي..

المدحدر..هذا من عيال جيرانهم حاول يحتك بهم طردوه

المطنوخ..هذا تحطه على يمناك يعني تعتمد عليه..

الإكه..هذا اللي تصرفاته صح ويعلمك وش تسوي لاتوهقت بشئ..<<<< منهم الاخت

الداج..داج وش معناها يعني ؟؟ داج بالمال والتفكير يعني الله يخلف..

التنكه..هذا اللي يقرقع بس تلقاه يلجلج ولاوصلت الامور أجلد..

القفل..هذا اللي مافيه امل يفهم لو تقعد تشرح له من هنا للسنه الجايه.. <<<< منهم الاخت

الطرمبة من فصيلة الدلوخ



الفدغ أو الافدغ ......من يحاول يستخف دمه ويبيك تضحك غصباً عنك
واذا ما ضحكت من بلاهته يضحك هو الين تحس ان الشي اللي سواه من جد مضحك


وفي الاخر راح تضحك انت من فداغته؟؟؟
رد مع اقتباس

  #2  
قديم 08-31-07, 09:26 PM
الصورة الرمزية جنون الاهلاويه
جنون الاهلاويه جنون الاهلاويه غير متواجد حالياً
راقية مميزة
 
تاريخ التسجيل: Aug 2007
الدولة: عآآلم الدرعمهـ
المشاركات: 33,612
قوة السمعة: 1
جنون الاهلاويه will become famous soon enoughجنون الاهلاويه will become famous soon enough
اللزقه:

هذا الشخص اللي على طول معك وقدامك ووراك وكل شي

وتطلع مع الباب تلقاه تركب في السياره تلقاه يطق القزازه وهاكذا.
مشكوووور خيوو على الموضوع
__________________
::
رد مع اقتباس

  #3  
قديم 09-02-07, 12:02 PM
مجنونة مجنونها مجنونة مجنونها غير متواجد حالياً
راقي مجتهد
 
تاريخ التسجيل: Aug 2007
المشاركات: 142
قوة السمعة: 1
مجنونة مجنونها will become famous soon enoughمجنونة مجنونها will become famous soon enough
ايه اللزقه هذه جنوون معايا كووذاا
خخخخخخخخخخخخخخخخخخخخخخخخ

يسلموو على الموضوع خيوو
>> مرجووجه ومطفووقه

تقبل مروري العتررر
رد مع اقتباس

إضافة رد

 
مواقع النشر (المفضلة)
 

 

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع: اشهر الكلمات السعودية
الموضوع كاتب الموضوع المنتدى مشاركات آخر مشاركة
اشهر الملعب ماجد الكي الرياضة العربية و الرياضة العالمية 0 01-01-10 03:48 AM
اشهر الكلمات السعوديه المضحكه البــــاشــــا نكت جديدة | طرائف | مواقف | وناسة 26 04-14-08 03:25 AM
اشهر الكلمات الشعبية السعودية(منقول) الخديدي ابودحمي مواضيع عامة - حوارات هادفه - نقاشات جادة - قضايا هامة 3 12-31-07 05:00 AM
اشهر الكلمات السعوديه .....ادخل وافطس من الضحك medboy نكت جديدة | طرائف | مواقف | وناسة 14 09-01-07 04:40 AM
ترجمة الكلمات الكويتيه باللهجه السعودية احاسيس العاب و الغاز و مقالب بين الأعضاء 10 08-26-05 10:11 AM



Powered by vBulletin Version 3.8.7
Copyright ©2000 - 2018, Jelsoft Enterprises Ltd
Translation by relax4h.com
جميع المواضيع المطروحة و المشاركات لا تمثل رأي إدارة المنتدى ، بل تعبر عن رأي كاتبيها
  جميع الحقوق محفوظة لشبكة الراقي الأهلاويه  

RSS RSS 2.0 XML MAP html  PHP  info gz  urllist ror sitemap  sitemap2  tags htmlMAP